A Travellerspoint blog

Akala ko ginto, tanso pala

all seasons in one day

tumblr_lio..wo1_500.jpg

Nagulat ako pagsakay ko ng bus ng biglang may lalake na tinawag pa ako at sinabing bakante ang upuan sa tabi nya. At dahil yun ang nag-iisang natitirang bakante na upuan, upo ako. Sa totoo lang, medyo nagtaka ako kung bakit madaming nakatayo pero walang umuupo sa tabi nung lalake.
Sa tatluhan yun. May matandang babae sa may window seat, tapos si Kuya na nagpa-upo at ako. Medyo masikip pero okay lang. Beggars (or in this case, pregnant lady) can't be choosers.

Wala pang five minutes, nagulat ako ng biglang sinabi sa akin ni Kuya na palit daw kami ng upuan dahil nasisiksik ako ng mga dumadaan at nakatayo. Hindi ako kumibo. Hindi ko kasi makita ang logic ni Kuya. Kung lilipat ako sa gitna nila ni Lola, diba ako naman ang masisiksik?

Hindi nagpapigil si Kuya. Bigla syang tumayo at hinakbangan ako. Korak. Hinakbangan ako...

Tapos wala pang two minutes, tayo na naman sya... sabi pa naaasiwa daw sya kumilos dahil nabubunggo nya yung buntis. Lintek, dinahilan pa ako. Pagtingin ko nakaupo na sya sa ibang lugar...

Pagdating ng Tandang Sora, may limang lalake na bumaba kasama si Kuya. Doon biglang lumapit sa amin si Kuyang Konduktor.

"May nakuha ba sa inyo?", tanong nya.

Nagulat ako. "Nakuha?"

"Yung lalake sa tabi nyo na hindi mapakali, mandurukot."

Nagkagulo ang mga pasahero. Akala mo signal ang salitang mandurukot para magsimulang magpanic. Nakuhanan si Lola ng wallet. May mga nawalan din ng wallet sa may bandang likuran ng bus, at may estudyanteng nakuhanan ng kuwintas.

At ako? Walang nakuha sa akin. Kasi laging akap ko ang bag ko. Pero na-disappoint na naman ako sa mga kalalakihan. Akala ko gentleman na, mapagsamantalang magnanakaw lang pala.

Posted by csadviser 03:37 Archived in Philippines

Email this entryFacebookStumbleUpon

Table of contents

Be the first to comment on this entry.

Comments on this blog entry are now closed to non-Travellerspoint members. You can still leave a comment if you are a member of Travellerspoint.

Enter your Travellerspoint login details below

( What's this? )

If you aren't a member of Travellerspoint yet, you can join for free.

Join Travellerspoint