A Travellerspoint blog

Ang Mahiwagang Ensaymada

all seasons in one day

Masaya akong umuwi kagabi dahil after three days, nagkita din kami ni TSA. Rest day nya kasi. Nagulat nga ako dahil pagbaba ko ng bus, naghihintay sya sa may waiting shed.

Una nyang sinabi sa akin na may nakawan daw sa village. Nagulat ako.

"Ang aga naman hon. Wala pang 9pm", sabi ko.

"Oo nga hon. Delikado talaga panahon ngayon. Yung bahay pa nung pulis ang nanakawan",
sagot nya.

"Ano nangyari?"

"Ayun, bugbog sarado. Buti nga di binaril."

Lakad kami pauwi. Madaming tao sa kalye. Lahat ng taga-village naglabasan para pag-usapan ang nakawan. Di rin maiwasan na naka-ilang stop-over kami ni TSA. Madaming nag-aya sa kanya na magbuo ng "ronda".

Pagdating sa bahay, sinalubong kami ni Chocoboy na bag ko agad ang inasikaso. As usual, hinalungkat nya para maghanap ng pagkain at Sugus. Remember yung kwento ko sa masarap na ensaymada? May isa pa akong natitira sa locker so iniuwi ko. Ayun, na-confiscate agad ni Chocoboy. Buti at hindi nakuha ang Sugus dahil nasa kikay kit.

"Ano yan?", tanong ni TSA, sabay nguso sa ensaymada.

"Masarap na ensaymada hon", sagot ko. "

"Pahingi naman. Share tayo 'nak", sabi ni TSA.

"ah, eh", nautal na naman si Chocoboy. Kumakamot sa ulo. Halatang ayaw magshare.

"Anak, hati kayo ni Daddy," sabi ko.

Hindi pa rin kumibo ang bata.

Umirap si TSA.

"Ibibili na lang kita bukas hon", sabi ko.

"Huwag na. Bibili ako ng sarili ko. At kakainin ko lahat. Walang hihingi", halatang nagtatampo si TSA.

Matutulog na kami pero yung ensaymada pa rin ang topic. Ewan ko naman kasi dito kay Chocoboy kung bakit biglang sinumpong. Talagang nagpakamatigas sya at hindi nagshare sa Daddy nya. Kinain ang ensaymada sa room nya. Walang hati-hati.

Ang ending? Cold war ang mag ama. At ako? Eto, may dala na naman akong ensaymada mamaya pag-uwi. Para naman kay TSA.

Posted by csadviser 02:01 Archived in Philippines

Email this entryFacebookStumbleUpon

Table of contents

Be the first to comment on this entry.

Comments on this blog entry are now closed to non-Travellerspoint members. You can still leave a comment if you are a member of Travellerspoint.

Enter your Travellerspoint login details below

( What's this? )

If you aren't a member of Travellerspoint yet, you can join for free.

Join Travellerspoint